Aleksandr Geynrix: "Faoliyatimni JCHda tugatmoqchiman"

"Yoki bugun, yoki hech qachon. SHu guruhdan ham biz chiqmasak, kim chiqsin? Qolaversa, taqvim ham biz uchun juda qulay keldi. SHu yilni o'zida bo'lib o'tadigan o'yinlarni Toshkentda o'ynaymiz. Maksimal ochko olishga harakat qilishimiz kerak. Bugungi kundagi saviyamizdan kelib chiqsak, uddalasa bo'ladigan vazifa", - deydi Aleksandr Geynrix.

2002 yil bo'lib o'tgan Osiyo chempionatida yarim finalga chiqib, yoshlar o'rtasidagi JCH yo'llanmasini qo'lga kiritgan Geynrix shunday deydi:
- Yoshlikda faoliyatimni JCHga chiqish bilan boshladim va uzoq yil to'p tepdim. Futbolchilik faoliyatimda menga etishmayotgan narsa, faqat kattalar o'rtasidagi JCH! Futbolga JCH bilan kirib keldim, u bilan JCHda xayrlashsam zo'r bo'lardi.