Odil Ahmedov: "Qura natijalari men kutganimdek bo'ldi"

"Men kutgan qura bo'ldi. Har bir terma jamoaga hurmat bilan qarashimiz kerak. O'yinga kim qanday tayyorgarlik ko'rishida gap katta. Biz JCHga chiqishni maqsad qilayotgan ekanmiz, ulardan ikki karra ko'p tayyorlanishimiz kerak bo'ladi. Vazifamiz JCHda qatnashish. Guruhdagi raqiblarimiz engil og'irligini, JCHga chiqqanimizdan keyin aytsak zo'r bo'lardi",  deydi terma jamoamiz sardori.

- Parvoz jihatidan Avstraliyani biz bilan bir guruhdan joy olmagani yaxshi bo'ldimi?
- Albatta, bu nafaqat biz uchun, ularga ham qiyinchilik tug'dirardi.

- Yana nima qilish kerak?
- Bizga yaxshi o'yinlar kerak. Futbolimiz ravnaqi yo'lida barchamiz birlashib, faqat JCHga bo'lgan yo'lni axtarishimiz lozim.