ECHL. Ronaldu "bo'rilar"ni popugini pasaytirib qo'ydi, "Siti" esa PSJdan ustun keldi

Evropa chempionlar ligasi.

CHorak final.

Javob uchrashuvlari.
 
Real Madrid Ispaniya – Volfsburg Germaniya 3:0

Santyago Bernabeu

Gol: Ronaldu (16, 17, 77)

"Real": Navas; Karvaxal, Ramos, Pepe, Marselo; Modrich, Kazemiro, Kroos; Beyl, Benzema, Ronaldu.

"Volfsburg": Benalo; Vieyrinya, Naldo, Dante; Rodriges; Gilyavogi, Gustavo; Enrike, Arnold, Draksler; SHyurrle.

Birinchi o'yin - 0:2.

- "Real" juda shiddatkor futbol o'ynamoqda. Ketma-ket hujumlarning navbatdagisi gol bilan yakunlandi. Karvaxalning o'ng qanotdan oshirib bergan to'pini Ronaldu ortiqcha qiyinchiliksiz darvoza to'riga kiritdi jamoasini hisobda oldinga olib chiqdi. Keyingi hujumda esa mezbonlar burchak zarbasi ishlab oldi. Kroosning oshirib bergan to'pini yana o'sha tinib-tinchimas Ronaldu boshi bilan darvozaga aniq yo'naltirdi - 2:0. Har ikkala o'yin natijasiga ko'ra, kuchlar teng bo'ldi. O'yin davom etmoqda.

Ikki daqiqa ichida ikkita to'p kiritib, "Volfsburg" bilan o'yindagi muvozanatni tiklagan ajabtovur futbolchi - Ronaldu

Manchester Siti Angliya - PSJ Franciya 1:0

"Etihad stedium".

Gol: De Bryuyne (76)

"Manchester Siti": Xart; Sanya, Otamendi, Mangalya, Klishi; Fernandino, Fernando; Navas, de Bryuyne, Silva; Aguero.

PSJ: Trapp; Ore, Markinos, Tyago Silva, Maksvell; Rabo, Tyago Motta, van der Vill; Di Mariya, Ibragimovich, Kavani.

Birinchi o'yin - 2:2

- Uchrashuvning 29-daqiqasida "Manchester Siti" 11-metrlik jarima zarbasi tepish huquqini qo'lga kiritdi. Ammo buni jabrlanuvchining o'zi Aguero muvaffaqiyatli amalga oshira olmadi.

Aguero penaltini aniq amalga oshira olmaganidan ranjimoqda...