"Qizilqum" - "Paxtakor". Uchrashuv haqida malumotlar
/ Kiritdi: BestMaster O'qilgan: 1262
Oliy liganing 5-turida "Paxtakor" 15 aprel kuni "Qizilqum" mehmoni bo'ladi.
Tayyorgarlik
"Nasaf" bilan bellashuvdan keyin jamoamiz seshanba kuni tiklanish mashg'ulotlariga kirishdi. Payshanba kuni ertalab Navoiy tomon yo'lga chiqiladi va futbolchilar o'yindan oldin o'sha erda shug'ullanishadi. "Qizilqum" esa oxirgi uchrashuvini 2 kun vaqtliroq o'tkazdi.
Safardagi bahsda Javohir Sohibov diskvalifikaciya sababli yordam bera olmaydi.
Qarama-qarshilik
Oliy ligada mazkur jamoalar 32 bor to'qnash kelgan. "Paxtakor" 27 o'yinda g'alaba qozongan. 4 bahsda durang qayd etilib, bir marta "Qizilqum" zafar quchgan. "SHerlar" raqib darvozasiga 88 gol urib, 17 to'p o'tkazib yuborishgan. Navoiydagi 16 bellashuvning 14tasida "Paxtakor ustun kelgan va 2 bor durang kuzatilgan. Safardagi so'nggi 13 uchrashuvda jamoamiz g'alaba qozongan.
O'yin rasmiylari
Uchrashuvni Baxtiyor Namozov boshchiligidagi hakamlar guruhi boshqaradi. Oliy ligada Namozov hozirgacha jamoamizning 4 o'yinida hakamlik qilgan va barchasida "Paxtakor" g'olib chiqqan.
"QIZILQUM" - "PAXTAKOR"
Hakamlar: Baxtiyor Namozov (Toshkent), Timur Galeev (Toshkent), Akbar Po'latov (Toshkent), Ravshan Abduvohidov (Qarshi).
Nazoratchi: SHamil Jumaev (SHahrisabz).
O'zPFL vakili: Aleksey Frolov (Toshkent).
"Qizilqum" va "Paxtakor" jamoalari o'rtasidagi 5-tur o'yini 15 aprel, juma kuni 18:00da Navoiydagi "Yoshlik" stadionida boshlanadi.
Bosh sahifaga
355