"Qo'qon-1912": Yoshlarimiz Qarshidan bir ochko bilan qaytishdi

Muhiddin Abduvaliev shogirdlari bu safar Qarshida “Nasaf” mehmoni bo'lishdi. Uchrashuvda 1:1 hisobi qayd etildi.

Mazkur uchrashuvda Muhiddin Abduvaliev asosiy tarkibda biroz o'zgartirish kiritdi. Masalan, darvozani qo'riqlash G'ayrat Hasanovga ishonib topirildi. Tajribali posbon esa o'ziga bildirilgan ishonchlarni to'liq oqladi. O'yindagi hisobni mezbonlar ochishdi.

Goldan keyin o'zlariga kelib ulgurgan vakillarimiz birinchi bo'lim yakunlanishi arafasida muvozanatni tiklashdi. 44-daqiqada Avazxon Mamatxo'jaev individual mahorati evaziga raqib futbolchilarini aldab o'tib, juda chiroyli zarba bilan mezbonlar darvozasini ishg'ol etdi. Avazxonning taxminan 24-25 metrlardan bergan zarbasini “Nasaf” posboni qaytara olmadi.

Jamoalar tannafusga shu hisob bilan chiqib ketishdi. Ikkinchi bo'limda ham har ikki jamoa vakillarida darvozani ishg'ol etish uchun bir qator vaziyatlar vujudga keldi. Xususan, Muhammadanas Hasanov jamoamizga g'alaba keltirgan to'pni kiritishi mumkin edi. Ammo uning zarbasi darvoza ustuniga tegdi. O'yin tugashiga sanoqli daqiqalar qolganida yana o'sha Muhammadanas Hasanov qulay imkoniyatdan foydalana olmadi. SHu tariqa o'rinbosarlarimiz Qarshi safaridan bir ochko bilan qaytadigan bo'lishdi.

Bugungi o'yindan so'ng o'rinbosarlarimiz hisobidagi ochkolar soni 8 taga etdi. Yoshlarimiz hozircha 4-o'ringa ko'tarilishdi.

Yoshlar ligasi
5-tur
“Nasaf” – “Qo'qon-1912” – 1:1 (1:1)
Xakamlar: D. Jalimov, F. Usmonov, Z. Eliboev.

“Nasaf”: 30. Umidjon Ergashev 6. Sirojiddin Qo'ziev 7. Akbar Murodov 9. Dilshod Xushbakov 14. Dostonbek Berdiqulov 18. Sirojiddin Ettiboev 19. Navro'z Izzatillaev 22. Islom Kenjaboev 41. Najmiddin Normurodov 43. Timur Fayzullaev.
Zaxira: 12. Muzaffar SHaripov 4. Akmal Olimov 20. A. Mozgovoy 23. Samandar SHukrullaev 28. Sardor Sadullaev 34. Ilhom Alijonov 38. Jahongir Qurbonboev.

“Qo'qon-1912” : 21. G'ayrat Hasanov. 27. Ismoil Oxunjonov 4. Asliddin Soipov 26.Oybek Rustamov 15.Maruf Zokirjonov 14.Avazxon Mamatxo'jaev 5. Ibrohim G'ofurov  88. Muhammadanas Hasanov  22. Orifjon Mamajonov  91. Abduqahhor O'ktamov  10. Doston Meliqo'ziev
Zaxirada : 30. Islom Abdullaev  6. Dilshod Baratov 17. Azizxon Ibragimov, 7. Ibrohim Usmonov.