Markaz Kanada bilan bo'lgan muzokarani tasdiqladi
/ Kiritdi: BestMaster O'qilgan: 1104
Bugun FIFA rasmiy saytida Kanada terma jamoasining O'zbekiston milliy terma jamoasiga qarshi o'rtoqlik uchrashuvi o'tkazishi mumkinligi haqidagi xabar chop etildi.
Lekin hozircha bu o'yinning o'tkazilishi yuzasidan rasmiy shartnoma imzolanmagan. Voqeaga oydinlik kiritish maqsadida O'FF Terma jamoalar markazi bosh direktori Asqar Tolibjonov bilan bog'landik.
"Haqiqatdan ham Kanada futbol federaciyasi bizga o'rtoqlik o'yini o'tkazish taklifi bilan chiqdi. Bu borada ular bizga 7 iyun kuni Avstriyada uchrashuv tashkil etishni tavsiya qilishdi. Lekin bu bizdagi yagona taklif emas. SHuningdek, biz yana 15ta davlat futbol federaciyalari bilan muzokara o'tkazyapmiz. Ular orasida Isroil va Xorvatiya terma jamoalarini ko'rsatish mumkin. Kanada taklifi rasman kuchga kiradimi-yo'qmi, buni qolgan terma jamoalar bilan bo'ladigan muzokaralarimiz hal qiladi", - dedi Asqar Imomjonovich.
- Tailandda bo'lib o'tadigan "Qirol Kubogi" musobaqasida terma jamoamiz ishtirok etadimi?
- Yo'q. Boisi, 7 iyun sanasi uchun bizda boshqa saviyali terma jamoalar bilan muzokaralar ketyapti. Hozir nafaqat iyun oyi uchun, balki 2016/17 yil taqvimi asosida ham terma jamoalar bilan muzokaralar olib borayapmiz.
Bosh sahifaga
225
