Yurgen Klopp jamoasi "iblislar"dek g'alabani "yulib" olganini aytmoqda

"Nimanidirni tushuntirib berish juda mushkul. Bu kecha "Enfild"da shunchaki fantastik hissiyotlar jo'sh urmoqda. Biz uchun ajoyib kecha. To'g'risini aytaman, juda g'alati bo'ldi. Zaxiradan Starrij va Allenni maydonga tushirayotganda, biz ularga xarakter ko'rsatishimiz lozimligini tushuntirdik va yaxshi takidladik. Bu dahshatli o'yin bilan musobaqadan chiqib ketganimizda ham ranjimagan bo'lardim. Jamoamiz xarakter ko'rsatishi lozim edi va buni uddaladik. Buni ortig'i bilan bajardik deya olaman. Evropacha futbol o'zining eng yaxshi taraflarini namoyon qildi. G'alaba qozonganimizga o'zimni ham ishonishim qiyin bo'lyapti. Barcha yigitlarni tabriklayman. Tanaffusda kiyinish xonasida xotirjamlikni saqlash oson bo'lgani yo'q. Lekin biz jamoa bilan kelishgan holda bu qiyin yo'lni bosib o'tishga kelishdik. Bu o'yinni ko'rgan istalgan muxlis, "Liverpul" ishqibozimi yoki dortmundlikmi ajoyib o'yin uchun futbolga tashakkur bildiradi. Negadir o'ng qo'lim og'riyapti, kimdir urdi shekilli. Bu kechani unutib bo'lmaydi. Biz maydonda haqiqiy "iblislar"dek g'alabani "yulib" oldik. To'g'ri, bizga omad kulib boqdi. Lekin baribir g'alabaga munosib edik", - dedi Yurgen Klopp.