Prevyu. "Qizilqum" - "Paxtakor"

Qizilqum (Navoiy) – Paxtakor (Toshkent)
15 aprel 2016. Navoiy. "Yoshlar" stadioni. 18:00
Hakamlar: B. Namozov (Toshkent), T. Galeev (Toshkent), A. Po'latov (Toshkent), R. Abduvohidov (Qarshi)
Nazoratchi: SH. Jumaev (Qarshi).

“Paxtakor” va “Qizilqum” oliy ligada 32 bora to'qnash kelishgan. Natijalar “Paxtakor”ning katta ustunligini ko'rsatmoqda. “SHerlar” o'zaro o'yinlarda 27 marta g'alaba qozonishgan. 4ta bahsda durang qayd etilgan. “Qizilqum” faqat 1 marta “Paxtakor”ni taslim qila olgan. To'plar nisbatida ham ustunlik “sherlar”da 88:17. “Paxtakor” o'zaro o'yinlarda 85 ochkoga ega bo'lgan, “Qizilqum” o'z hisobiga 7 ochko yozib qo'ya olgan. Toshkent klubining “Qizilqum” ustidan qozongan eng yirik g'alabasi 11:0ga teng bo'lsa, “Qizilqum”da bu ko'rsatkich 2:1ga teng.

2015 yil ikkala bahsda ham “Paxtakor” g'olib bo'lgan. Navoiydagi bahsda Stanislav Andreev va Aleksandr Merzlyakovning gollari jamoaga 3 ochko keltirgan – 2:0. Toshkentdagi bahsda ham Andreev bitta to'p kiritgan, SHerzod Karimov esa dublga erishgan – 3:0.

“Qizilqum” maydonida o'tgan so'nggi besh uchrashuv:
12.04.2015 Qizilqum - Paxtakor 0:2
15.08.2014 Qizilqum - Paxtakor 1:4
27.05.2013 Qizilqum - Paxtakor 0:1
03.09.2012 Qizilqum - Paxtakor 0:4
05.11.2011 Qizilqum - Paxtakor 0:3

O'zaro o'yinlar haqida fakt: “Qizilqum” o'z maydonida ushbu raqibni umuman mag'lub eta olmagan. Bo'lib o'tgan 16ta o'yinning 14tasida “sherlar” zafar quchishgan. 2ta bahsda esa durang qayd etilgan. So'nggi bor “Qizilqum” o'z uyida 2002 yil mag'lub bo'lmagan.