Artyom Makosin: "Bugun noxush ananaga chek qo'ymoqchimiz"
/ Kiritdi: BestMaster O'qilgan: 937
Oliy liga beshinchi turidan joy olgan markaziy uchrashuvlardan biri bugun Navoiyda “Qizilqum” va “Paxtakor” jamoalari o'rtasida bo'lib o'tadi.
Mazkur o'yin oldidan "konchilar" posboni Artyom Makosin fikri bilan qiziqdik.
-Ko'z tegmasin bu yil mavsumni ijobiy natijalar bilan boshladik, - deydi “Qizilqum” jamoasi darvozaboni Artyom Makosin. - O'tgan turda oliy liga debyutanti - “Obod” jamoasi bilan o'yinda qimmatli ochokolarni qo'ldan chiqardik. Qolaversa, bu chempionatimizda kuchsiz raqib yo'qligini ko'rsatib berdi. Bugun esa yanada jiddiy raqibga qarshi maydonga tushamiz.
“Paxtakor” bilan o'tadigan uchrashuv chog'ida stadion muxlislar bilan to'lib-toshishiga shubha yo'q. Jamoadoshlarimning o'yin oldidan kayfiyatlari alo. Har qanday vaziyatda ham bugun maydonga faqat g'alaba ishtiyoqida chiqamiz. Hozirgacha “Qizilqum” o'z maydonida paxtakorchilarni mag'lubiyatga uchratmagan. Maqsadimiz ana shu noxush ananaga chek qo'yib, navoiylik muxlislarni xursand qilishdir, - deydi Makosin.
“Qizilqum” PFK Matbuot xizmati.
Bosh sahifaga
124