Aleksandr Xomyakov: "Hammasi haqqoniy, “Lokomotiv” bizdan ko'ra kuchli edi"

Aleksandr XOMYAKOV (“Mashal” bosh murabbiyi): - Hammasi haqqoniy, “Lokomotiv” bizdan ko'ra kuchli edi. Raqibni g'alaba bilan tabriklayman! Tajriba va iqtidor muhim rol o'ynaydi. Jamoa birichi bo'limda o'ziga o'xshamadi. Ikkinchi taymda qarshi hujumlarda gol o'tkazib yubordik. Futbolchilarimizda kurashuvchanlik yo'qolib qoldi.

- Statiskaga ahamiyat beradigan bo'lsak, hamma o'yinlarda uchta gol o'tkazib yuboryapsizlar. Bu nima bilan bog'liq?
- Bu mavsumdan umid katta edi. Kombinacion futbol o'ynamoqchi edik. Raqib jarima maydoni atrofida pressingga asoslangan futbol namoyish qilishni rejalashtirgandik. SHunga mos ravishda tayyorgarlangandik. Dastlabki turlarda bu foyda bermadi. Rejani o'zgartirib, himoyaviy o'yinga o'tdik. Bunga “Bunyodkor”ga qarshi uchrashuv isbot. Bugun hm shunday o'yinni rejalashtirgandik. Biroq birinchi bo'limdagi tezkor gol barchasini o'zgartirib yubordi.

Bugun bizga qiyin bo'lishini bilardik. Taktik tomondan rejalashtirganlarimiz amalga oshmadi. Markazni yopmoqchi edik. Yakka kurashlarda raqibni yopishga harakat qildik. Birinchi goldan keyin ochiqroq o'ynashga harakat qildik. “Lokomotiv” bilan ochiq o'ynash nimalarga olib kelishini ko'rdik.

Furqatbek Nishonov yozib oldi