SHerzod Azamov: "Futbolda mag'lub etib bo'lmaydigan jamoaning o'zi yo'q"

- "Qo'qon-1912" yaxshi, shakllanib borayotgan jamoa. Bu raqibga qarshi uchrashuv oson bo'lmasligini bilardik. Artur Gevorkyan maydondan chetlatilganidan so'ng o'yin biz uchun yanada og'irroq tus oldi. "Qo'qon-1912" jamoasi Qarshida ortiqcha bosimsiz o'ynadi va yaxshi himoyalandi. SHunga qaramay muhim uch ochkoni qo'lga kiritganimizdan xursandmiz. Gol urganim albatta quvonarli hol. Har bir futbolchining ishi imkon qadar jamoasiga yordam berish. Kiritgan golim nafaqat meni, balki butun jamoamizning mehnati sanaladi. Umuman bellashuvda gol urish uchun yanada imkoniyatlar yuzaga kelgandi. Ammo boshqa gol urish nasib etmadi.

Bizni oldinda "Al Ayn"ga qarshi kechadigan juda muhim bahs kutib turibdi. O'ylaymanki, bu uchrashuvda g'alaba qozonib, muxlislarimiz ishonchini oqlaymiz. Futbolda mag'lub etib bo'lmaydigan jamoaning o'zi yo'q. SHunday ekan, bo'lajak bahsda bor kuch-g'ayratimizni sarf etamiz. Bu o'yinda men ishtirok etolmasligim tabiiyki yoqimsiz holat men uchun. Ammo Ildar Mamatkazin va Maqsud Karimov jamoamiz himoya qo'rg'onida ishonchli o'ynashadi. Bundan ko'nglim to'q.