"Qizilqum" o'z tarixida ilk bor dastlabki 5 turda mag'lubiyatga uchramadi

SHunday qilib jamoaning mag'lubiyatsiz seriyasi davom etmoqda. "Qizilqum" birinchi turda o'z uyida "Mashal"ni 3:2 hisobida taslim qilgandi. So'ngra G'uzorda "SHo'rtan" mag'lub etildi - 1:0. Uchinchi turda "Olmaliq"dan ustun kelgan (2:1) "konchilar" to'rtinchi turda Toshkentda "Obod" bilan durang o'ynagandi - 2:2.

2000 yildan buyon oliy ligada ishtirok etib kelayotgan "Qizilqum" klubi o'z tarixida ilk bor dastlabki 5ta o'yinda mag'lub bo'lmadi. Bundan oldingi 15ta mavsumda jamoa dastlabki 5ta o'yinda hech bo'lmasa bir marta yutqazgan edi.

"Qizilqum"ning eng yaxshi startlari 2001 va 2007 yillarga to'g'ri keladi. Bu yillarda klub dastlabki 5ta turda 4ta g'alaba va 1ta mag'lubiyat qayd etgan. Eng yomon start esa 2013 yilda qayd etilgan - 5ta o'yin 5ta mag'lubiyat!

Eslatib o'tamiz, "Qizilqum" 6-turni 24 aprel kuni "Qo'qon-1912"ga qarshi safarda o'tkazadi.


"Qizilqum" klubining dastlabki 5 turda qayd etgan barcha natijalari:

2000 - 2 g'alaba, 3 mag'lubiyat
2001 - 3 g'alaba, 2 mag'lubiyat
2002 - 4 g'alaba, 1 mag'lubiyat
2003 - 1 g'alaba, 1 durang, 3 mag'lubiyat
2004 - 2 g'alaba, 1 durang, 2 mag'lubiyat
2005 - 1 g'alaba, 1 durang, 3 mag'lubiyat
2006 - 1 g'alaba, 2 durang, 2 mag'lubiyat
2007 - 4 g'alaba, 1 mag'lubiyat
2008 - 1 g'alaba, 2 durang, 2 mag'lubiyat
2009 - 1 g'alaba, 1 durang, 3 mag'lubiyat
2010 - 1 g'alaba, 1 durang, 3 mag'lubiyat
2011 - 1 g'alaba, 2 durang, 2 mag'lubiyat
2012 - 1 g'alaba, 3 durang, 1 mag'lubiyat
2013 - 5 mag'lubiyat
2014 - 1 g'alaba, 2 durang, 2 mag'lubiyat
2015 - 1 g'alaba, 1 durang, 3 mag'lubiyat
2016 - 3 g'alaba, 2 durang