O'tgan yil Tolibjonov boshqargan o'yinlarda "Metallurg" yuta olmagan

Biz odatimizga ko'ra, 5-tur juftliklarini boshqarib boradigan hakamlarning o'tgan mavsumdagi faoliyatiga nazar tashlaymiz.

16 aprel (shanba)
"METALLURG" – "OBOD"
Hakamlar: Olim Tolibjonov (Toshkent), Rasul Fozilov (Namangan), Mo'min Majidov (Namangan), Dilshod Karimov (Toshkent).
Nazoratchi: Oleg Rubakov (Toshkent).
O'zPFL vakili: R.CHernikov.

Olim Tolibjonov ham tajribali hakamlarimizdan biri hisoblanadi. O'tgan mavsum oliy ligada 16ta o'yinni boshqargan Tolibjonovga "Metallurg"ning safardagi uchta uchrashuvi ishonib topshirilgan. Etiborlisi, "metalsozlar" uchta bellashuvning ikkitasida durangga erishgan bo'lsa, bittasida yutqazgan.

2015 yil. "Metallurg" ishtirokidagi uchrashuvlar
SO'G'DIYONA - METALLURG - 0:0
PAXTAKOR - METALLURG - 3:2
QIZILQUM - METALLURG - 1:1

"Obod" ishtirokidagi uchrashuvlar
Yo'q
 
"BUNYODKOR" – "OLMALIQ"
Hakamlar: Zokir Qodirov (Navoiy), Obid Jumaev (Navoiy), R.No'monov (Toshkent), Ahmad Ergashev (Toshkent).
Nazoratchi: Sayfiddin Ermatov (Toshkent).
O'zPFL vakili: Baxtiyor Mametov.

Navoiylik Zokir Qodirov 2015 yil "Bunyodkor" ishtirokidagi boshqarganida o'yinda faqat bitta gol urilgan. "Qaldirg'ochlar" "Dinamo" va "Qo'qon-1912"ni 1:0 hisobida mag'lub etgan bo'lsa, "Lokomotiv"ga huddi shu hisobda yutqazib qo'ygan. "Olmaliq" esa, o'z uyida "Qo'qon-1912"ni qabul qilib, 2:1 hisobida ustun kelgan.
 
2015 yil. "Bunyodkor" ishtirokidagi bellashuvlar
BUNYODKOR - DINAMO - 1:0
QO'QON-1912 - BUNYODKOR - 0:1
BUNYODKOR - LOKOMOTIV - 0:1

"Olmaliq" ishtirokidagi bellashuv
OLMALIQ - QO'QON-1912 - 2:1
 
"NAVBAHOR" – "SHO'RTAN"
Hakamlar: Vladislav Ceytlin (Toshkent), Nabi Ro'zimov (Toshkent), Farrux Yormuhamedov (Toshkent), Ravshan Kopadze (Farg'ona).
Nazoratchi: A.Popov (Toshkent).
O'zPFL vakili: V.SHtern.

Tajribali hakamlarimizdan yana bir Vladislav Ceytlin o'tgan mavsum "Navbahor" ishtirokidagi naqd (!) beshta o'yinni boshqargan. Uchrashuvlarning uchtasi xuddi bugungidek Namanganda bo'lib o'tgan. Ammo "lochinlar" uchta o'yinning faqat bittasida g'alaba qozongan. "SHo'rtan" ikkita o'yinini Ceytlin hakamligida o'tkazib, har ikkala bahsda ham mag'lubiyat alamini totib ko'rgan.  

2015 yil. "Navbahor" ishtirokidagi uchrashuvlar
NAVBAHOR - MASH'AL - 0:2
NAVBAHOR - OLMALIQ - 2:2
METALLURG - NAVBAHOR - 2:3
SO'G'DIYONA - NAVBAHOR - 2:0
NAVBAHOR - QIZILQUM - 2:1

"SHo'rtan" ishtirokidagi uchrashuvlar
QO'QON-1912 - SHO'RTAN - 2:1
OLMALIQ - SHO'RTAN - 3:1
 
"NEFTCHI" – "SO'G'DIYONA"
Hakamlar: R.Bobomurodov (Navoiy), B.Qodirov (Buxoro), A.Qo'ldoshev (Buxoro), A.Rahimov (Andijon).
Nazoratchi: A.Hotamov (Toshkent).
O'zPFL vakili: N.Lutfulin.

"Neftchi" 2015 yil Bobomurodov hakamlik qilgan uch o'yining ikkitasida g'alaba qozongan. "Lokomotiv" bilan o'z uyida bo'lgan bahsda yutqazib qo'ygan. "So'g'diyona" hisobida bitta uchrashuv bor. O'sha bahs ham "Lokomotiv"ga qarshi Jizzaxda bo'lib o'tgan va o'yinda "temiryo'lchilar" uch ochkolik bo'lishgan.

2015 yil. "Neftchi" ishtirokidagi o'yinlar
NEFTCHI - MASH'AL - 1:0
QO'QON-1912 - NEFTCHI - 1:2
NEFTCHI - LOKOMOTIV - 1:2

"So'g'diyona" ishtirokidagi uchrashuv
SO'G'DIYONA - LOKOMOTIV - 1:3
 

Furqatbek Nishonov