Igor SHkvirin: "Oddiy xatolarga yo'l qo'ydik"

 

- “Bunyodkor” gol urdi va g'alaba qozondi. Biz oddiy xatolarga yo'l qo'ydik. O'yin haqidagi fikrim shu. Ochig'i, qanday futbol o'ynayotganimizni tushunmayapman. Qishgi yig'inda umuman boshqacha bo'lgandi. Hozir umuman boshqa. Agar Germaniya terma jamoasi ham xuddi biz kabi futbol o'ynaganida chempion bo'la olmasdi.

Mashg'ulotlarimizda o'zgarishlar yo'q, hammasi joyida. SHunchaki, o'yinda hech narsa o'xshamayapti. Bu oddiy xatolar. Bunga alohida mashg'ulot shart emas. O'xshamayapti faqat.

Raqib uzoq masofalarga to'p uzatish orqali darvozamizni ishg'ol qildi. Albatta raqibni o'rgangandik, kamchilik va ustunliklarini bilardik va futbolchilarga buni aytgandik. Bugun “Bunyodkor” yaxshi o'ynadi. Bizga o'ylab turishimizga ko'p imkoniyat bermadi. To'p uzatishlarda juda ko'p xatolarga yo'l qo'ydik.