Farhod Tojiev: "Olmaliq" juda ham og'ir ahvolda"

- "Bunyodkor"ga qarshi o'yin biz uchun juda og'ir bo'ldi. CHunki mehmonda o'ynadik. Mavsum biz uchun yaxshi boshlanmadi. "Olmaliq" hali bu kabi start olmagandi. Ayni paytda "Olmaliq" juda qiyin ahvolda. "Bunyodkor"ga qarshi o'yinda yaxshi natija qayd etishga harakat qildik. Lekin himoyadagi juda qo'pol xatolarimiz bizga pand berdi. Himoyachilarimizni ayblamoqchi emasman-u, ammo ularni bugun o'ynashdi deb ham aytolmayman. O'yinimiz umuman qovushmadi. Jamoamizga nima bo'lganini tushunolmadik. Natija qoniqarli bo'lmagani uchun faqatgina o'zimiz aybdormiz. Keyingi bahsda "Navbahor"ga qarshi to'p tepamiz va yaxshi natijani qayd etishga harakat qilamiz.