Jamshid Saidov: "Buxoro"da hozir teng kuchli ikkita tarkib bor"

"Bugun 5:2 hisobida g'alaba qozondik. Xatolarga yo'l qo'ydik, bunga qadar oliy ligada gol o'tkazmagandik. Bugun esa 2ta gol o'tkazdik. Biroq raqibdan ko'proq gol urdik. Ochiq va chiroyli o'yin bo'ldi. Buncha ko'p muxlislar oldida mag'lub bo'lish va yomon o'yinga haqqimiz yo'q edi. Jamoa o'yindan o'yinga yaxshi harakat qilmoqda", - deydi Jamshid Saidov.

"O'tkazilgan gollarda himoyachilarimiz xato qilishdi, shu bois ularni ko'rib chiqamiz keyingi o'yinlarda bunda bo'lmasligiga urinamiz. Bugun Sardor Qobuljonov ilk bor qaydnomaga kiritildi. Sardor Rahmonov ham jarohatidan qutuldi va yoshlar ligasida maydonga tushdi. Hozir Bobur Omonovda jarohat bor. Bizni 24 aprel kuni "Nasaf"ga qarshi jiddiy o'yin kutib turibdi".

"Andijon" bugun yomon o'yin ko'rsatmadi. Biz raqib safida Yovanovichning harakatlarini kuzatdik. U ikkinchi qavatdagi 90 foiz kurashlarni yutdi. Himoyachilarimizga ko'p tashvish tug'dirdi".

"Kamoliddin Murzoev markaziy hujumchi. U gol urmayapti degani bu yomon o'ynayapti degani emas. Murzoev maydonda katta ko'lamdagi ishni bajarmoqda, sheriklarini qulay vaziyatlarga chiqarmoqda. Ha hozircha gol urmayapti. Ammo hali o'zini ko'rsatishiga ishonaman".

"SHavkat Salomov jamoamiz sardori, etakchimiz. U o'z uyida, muxlislari qarshisida o'ynashmoqda. Hozir bizda teng kuchli ikkita tarkib bor. Qo'qondagi bahsga qarang Pardaev va Nematov asosiy tarkibda tushgandi. Bugun esa boshqalar. Oliy liga ham uzoq davom etadi. Maqsadimiz har bir o'yinda g'alaba qozonish", - deydi Saidov.

"Buxoro" matbuot xizmati