Mamurjon Otaqulov: "Hakam futbolchilarimizni "ezib" qo'ydi"
/ Kiritdi: BestMaster O'qilgan: 1071
O'zbekiston Birinchiligining 3-turidan o'rin olgan "Oq-tepa" - "G'ijduvon" (3:0) uchrashuvidan so'ng mehmon jamoa boshlig'i Mamurjon Otaqulov o'z fikrlari bilan o'rtoqlashdi.
- Uchrashuv yaxshi o'tdi. Futbolchilarimiz yomon harakat qilishgani yo'q. Bellashuvning bosh hakami Jasurjon Muxtorov o'yinchilarimizni "ezib" tashladi. Bizning yigitlarga juda ko'p sariq kartochkalar ko'rsatib, ayirmachilik qildi. Hakamlar ayirmachilik qilmaslik kerak. Aks holda O'zbekistonda futbol bo'lmaydi. SHunday ekan, keling, unda Buxorodagi o'yinlarga buxorolik hakamlarni tayinlash kerak. Toshkentdagi uchrashuvga poytaxtlik hakam tayinlanishiga qatiyan qarshiman. Bunaqada yurtimizda futbol rivojlanmaydi.
Hakam ketma-ket sariq kartochka ko'rsatib, futbolchilarni "ezib" qo'ydi. Ogohlantirilgan o'yinchilar qizil olmay deb ehtiyot bo'lib o'ynaydi. Bosh hakam uchrashuvda etti marta o'yinchilarni ogohlantirdi. SHundan 5tasini bizga, 2tasini o'yin oxirida majburan mezbon jamoa azolariga ko'rsatdi. Qachon chek qo'yiladi bunga? Men PFLga yozma ravishda xat bilan chiqaman! Boshqa gapim yo'q, - deydi Otaqulov.
"Oq-tepa" matbuot xizmati
Bosh sahifaga
115