Akmal Tursunboev: O'tkazib yuborilgan gollarda doim darvozabonning ham aybi bo'ladi

Garchi Tursunboevning yirik mag'lubiyatdan keyin kayfiyati tushkun bo'lishiga qaramay, o'zini professionallarcha tutib, muxlislar uchun o'z fikrlarini bildirib o'tdi. Buning uchun Akmalga qoyil qoldik.

- To'g'risi, bunday yirik hisobdagi mag'lubiyatdan keyin aniq bir narsa deyish qiyin. Bunday bo'lishini hech kim kutmagandi. Buxoroga imkon qadar yutqazmaslik maqsadida kelgandik. Raqib jamoa tarkibida tajribali futbolchilar ko'p. Ularda o'yin saviyasi ham yaxshi darajada ekanligini aytgan bo'lardim.

- Bizda ham bir qator golli vaziyatlar bo'ldi. Ammo ulardan oqilona foydalana olmadik. O'yindan oldin jamoadoshlarimga aytgandim, menga juda ko'p ish bo'lishini.

- O'tkazib yuborilgan gollarga keladigan bo'lsak. Menimcha hammasini qaytarish mumkin edi. Bilasizmi har doim o'tkazib yuborilgan gollarda darvozabonlar baribir aybdor bo'ladi. SHu bois men ham qaysidir manoda Buxoro bilan o'yindagi gollarda o'zimni aybdor his qilaman. Himoyachilar haqida gapirish noto'g'ri. Ular ham imkon qadar xarakat qildi. Mag'lubiyatga butun jamoa aybdor degan bo'lardim, - deydi Tursunboev.

Andijon matbuot xizmati.