Nurali Sultonov: "Istaysizmi-yo'qmi, 17-18 yoshli bola hali bola"
/ Kiritdi: BestMaster O'qilgan: 1239
O'zbekiston Birinchiligining 4-turida "Orol"ni qabul qilgan "Nasaf-2" kichik hisobda (1:0) g'alaba qozondi.
Uchrashuvdan keyin mezbonlar bosh murabbiyi Nurali Sultonovning fikrlari bilan qiziqdik.
- Kechagi uchrashuv anchagina "og'ir" o'tdi. Boisi, futbolchilarga barqarorlik etishmayapti. Bu tabiiy hol. Sababi, qo'l ostimizda 17-18 yoshli bolalar o'ynashadi. Bunday yoshdagi bolalarda barqarorlik har doim ham bir xil bo'lavermaydi. SHuning uchun kechagi bahs biroz "og'ir" o'tdi. O'yin avvalida raqib darvozasini ishg'ol qilish uchun bir qator imkoniyatlarga ega bo'ldik, ammo shogirdlarim bundan foydalana olishmadi. Ammo yakunda baribir g'alabani qozona oldik.
Bizning asosiy maqsadimiz bosh jamoaga futbolchi etishtirib berishdir. 4 o'yindan 6 ochko jamg'ardik. Aslida bundan yaxshiroq ham bo'lishi mumkin edi. Safardagi ikki bahsda ham so'nggi daqiqalarda diqqatni yo'qotishimiz natijasida yutqazib qo'ydik. Buni ham shogirdlarimda barqarorlik etishmagani bilan izohlagan bo'lardim. Istaysizmi-yo'qmi, 17-18 yoshli bola hali bola. O'ylashimcha, biz dastlabki 4 turdan keyin 9 ochkoga loyiq o'yin ko'rsatgan edik.
Furqatbek Nishonov
Bosh sahifaga
212