Olim Novkarov: "Nurafshon" garchi liga debyutanti bo'lsa-da, peshqadam bo'lib turibdi"

Biz o'yindan oldin mezbonlar azosi Olim Novkarovning fikrlari bilan qiziqdik.

- "Nurafshon" garchi liga debyutanti bo'lsa-da, peshqadam bo'lib turibdi. Uchta o'yinda g'alaba qozonganligining o'ziyoq bugungi raqibimizning kuchidan darak beradi. Ammo biz o'z uyimizda o'ynaymiz va faqat g'alaba uchun harakat qilamiz. Bizni bunday boshqa natija qoniqtirmaydi.

Biz birinchi uchrashuvda mag'lubiyatga uchragan bo'lsak-da, hozir o'z o'yinimizni topib ulgurdik. Raqibni tajribali mutaxassis Gennadiy Kochnev boshqaryapti. Jamoa o'z oldiga oliy ligaga chiqish vazifasini qo'ygan. SHu qatorda bizning maqsad ham oliy liga. Demak, bugun qiziqarli uchrashuv bo'ladi, - deydi Olim Novkarov.