Temurxo'ja Abduxoliqov va Igor Sergeev to'purarlikda peshqadam
/ Kiritdi: BestMaster O'qilgan: 2226
Joriy mavsumda O'zbekiston chempionati, Osiyo chempionlar ligasi hamda O'zbekiston kubogi o'yinlarida hozirga qadar eng ko'p gol urgan futbolchilar uchligi bilan tanishtirib o'tamiz.
To'purarlar uchligi:
1. Temurxo'ja Abduxoliqov ("Lokomotiv") - 9 gol.
"Lokomotiv" hujumchisi uchun joriy mavsum ancha ko'tarinki ruhda boshlandi. "Lokomotiv"ning muvaffaqiyatli o'yinlari va g'alabalari seriyalariga Abduxoliqovning xizmati katta bo'lmoqda. Temurxo'ja Abduxoliqov hozirga qadar ushbu mavsumda jami 11 o'yinda maydonga tushdi va raqiblari darvozasiga 9 marotaba yo'l topa oldi. Oliy liga o'yinlarida Abduxoliqov 5ta gol kiritib, Ilhom Yunusov bilan birgalikda peshqadamlik qilmoqda.
2. Igor Sergeev ("Paxtakor") - 9 gol.
"Paxtakor" hujumchisi Igor Sergeev ham samaradorlik bo'yicha ushbu mavsumda Temurxo'ja Abduxoliqovdan qolishayotgani yo'q. Igor Sergeev oliy liga o'yinlarida 4 marta darvozani ishg'ol etgan bo'lsa, OCHL o'yinlarida 5 marotaba raqiblari darvozasini "o'qqa" tutishning uddasidan chiqqan.
3. Sardor Mirzaev ("Lokomotiv") - 7 gol.
"Lokomotiv" vingeri Sardor Mirzaev ham to'purarlik qobiliyati borligini ushbu mavsumda isbotlamoqda. Sardor Mirzaev uchun 2016 yilgi mavsum ancha omadli boshlandi. Futbolchi "Loko"ning etakchi azolaridan biriga aylandi va jamoasining bir qator muhim gollariga mualliflik qildi. Hozirga qadar Sardor Mirzaev goleadorlik bobida faqatgina ikkita hujumchidan ortda qolmoqda.
Bosh sahifaga
242
