Jamshid Bekmurodov: “Qizilqum”ni Qo'qonda qo'llab-quvvatlaymiz”

“Qo'qon-1912” - “Qizilqum” jamoalari uchrashuvini navoiylik ishqibozlar Qo'qondagi “Markaziy” stadiondada bevosita kuzatishga va o'z sevimli jamoalarini qo'llab-quvvatlashga hozirlik ko'rmoqda.

-“Qizilqum” jamoasi bu yilgi mavsumni muvaffaqiyatli boshlaganidan juda xursandmiz, - deydi “Qizilqum” PFK Muxlislar klubi etakchilaridan biri Jamshid Bekmurodov. - Navoiyda raqobatbardosh va kuchli jamoa shakllantirish uchun barcha sharoitlar yaratilgan. Hamidjon Aktamov boshchiligida sevimli jamoamiz chempionatda bir muncha yorqin o'yinlar namoyish etayotganligini bizni futbolchilarimizni yanada uyushqoqlik bilan qo'llab-quvvatlashga undaydi. Navoiyda uchrashuvlar chog'ida stadion ishqibozlar bilan to'lib-toshayotganini barcha guvohi bo'lib turibdi. “Qizilqum”ning yutuqlarida biz ishqibozlarning ham hissamiz bor, albatta. SHu bois, oltinchi turda Qo'qonda bo'ladigan “Qo'qon-1912” - “Qizilqum” uchrashuvini stadionda tomosha qilib, o'z sevimli jamoamizni qo'llab quvvatlamoqchimiz.
Osiyo chempionlar ligasida yurtimiz sharafini himoya qilayotgan boshqa klublarimizdan “Qizilqum” futbolchilarining ham biror kam joyi yo'q. Ishonamizki, hademay navoiylik muxlislar ham ana shunday nufuzli musobaqa havosidan bahramand bo'lishida. Qo'qonda bo'ladigan uchrashuvda “Qizilqum” futbolchilariga omad tilaymiz va ularning g'alabasiga ishonamiz!

“Qizilqum” PFK Matbuot xizmati.