Bugun va ertaga 145 yillik musobaqada yarim final o'yinlari bo'lib o'tadi

1871 yildan buyon o'tkazib kelinayotgan ushbu kubokda bu mavsumda 736ta klub ishtirok etdi.

Hozirga kelib ularning 4tasi sovrin uchun kurashni davom ettirmoqda.

Musobaqa reglamentiga ko'ra yarim final va final Londondagi "Uembli" stadionida bo'lib o'tadi. Bugun dastlabki yarim finalda "Everton" va "Manchester Yunayted" klublari to'qnash kelishadi. Bahsni Entoni Teylor boshchiligidagi hakamlar boshqarib borishadi.

MYU ushbu kubokni 11 bor qo'lga kiritgan. So'nggi marta Manchester klubi 2004 yil Angliya kubogini yutgan. "Everton" 5 marta kubokda zafar quchgan. Oxirgi marta 1995 yilda ushbu sovrin "Everton" muzeyiga borgan edi.

Ertaga esa "Kristal Pelas" va "Uotford" o'rtasidagi bahs bo'lib o'tadi. Bu o'yinda Kreyg Pauson hakamlik qiladi.

"Kristal Pelas" bir marta 1990 yilda Angliya kubogi finaliga chiqib MYUga yutqazib qo'ygandi. "Uotford" ham bu kubok finaliga bir bor chiqqan. 1984 yilda hal qiluvchi bahsda jamoa "Everton"ga imkoniyatni boy berib qo'ygan.

Bu yilgi Angliya kubogi finali 21 may kuni bo'lib o'tadi.

Angliya kubogi. Yarim final

23 aprel - "Everton" - "Manchester Yunayted" (21:15)

24 aprel - "Kristal Pelas" - "Uotford" (20:00)