Sergey Lushan: "Natijadan qoniqdim, o'yindan emas"

"Birinchi taym juda qiyin kechdi. O'yinga tayyorlagan rejamizni to'liq amalga oshira olmadik. Bunga raqib yo'l qo'ymadi. Ikkinchi bo'limda yoshlar maydonga tushishdi va standart vaziyatidan gol urdik. Umuman olganda o'yindan ko'nglim to'lmadi. Uchrashuv natijasi aksincha ham bo'lishi mumkin edi. "Metallurg"da ham gol urish uchun vaziyatlarga yuzaga kelgandi. Biroq ular gol kirita olishmadi. Qiyin bo'lsada, bugun muhim g'alabaga erishdik va natijadan ko'nglim to'ldi. "Metallurg" "chaqilmas yong'oq" toifasidagi jamoa sanaladi. Ularning himoya chizig'ini yorib o'tish oson bo'lmasligini oldindan bilardim. Biz hali o'yin chuqur tahlil qilamiz va kim qaerda xatoga yo'l qo'yganini ko'rib chiqamiz. Rustam Ashurmatov? Bu himoyachi yuqori istedod sohibi. Bu futbolchi kundan-kunga o'yinini shakllantirib bormoqda. Bazi yosh futbolchilardek osmonlarda uchib yurgani yo'q. Rustam Ashurmatovni porloq kelajak kutmoqda", - deydi Sergey Lushan.