"Buxoro" - "Andijon" uchrashuvidagi muxlislar FOTOGALEREYA
/ Kiritdi: BestMaster O'qilgan: 1108
Yaqin yillargacha vodiylik muxlislar o'zbek futbolida stadionga tashrif buyurish bo'yicha va umuman muxlislik madaniyati borasida ancha iliq so'zlar bilan tilga olinib kelinar edi.
Lekin mana yillar o'tib buxorolik muxlislar ham o'zbek futbolida o'z o'rniga ega bo'lib oldi. 3-4 yildan buyon aynan buxorolik muxlislar stadionga tashrif buyurish bo'yicha etakchilardan sanaladi.
Bu yilgi mavsumdan etiboran “Buxoro”ning uy uchrashuvlari o'tadigan “Buxoro” sport majmuasida muxlislar sig'may qolishmoqda. Rasman 22700 nafar muxlisga muljallangan stadion liq to'lgan paytlarda, 4-5 mingga yaqin muxlislar hattoki uchrashuvni tik turgan holda kuzatib borishmoqda.
“Buxoro” PFK muxlislarga minnatdorchilik bildirgan holda shuni malum qiladi-ki, bundan buyon muxlislarimiz ishtirokidagi fotosuratlar ham “Buxoro” FK ning rasmiy saytidagi FOTOGALEREYA bo'limidan joy ola boshlaydi. Muxlislarning eng sara fotosuratlari (eng original kiyingan, ehtirosli voqealar va hokazo) pfcbuxoro.com saytining “media-fotogalereya” bo'limidan joy olib boradi. Demak, muxlislik madaniyatini oshirishda davom etgan holda, muxlislardan har bir uchrashuvga o'zgacha tayyorgarlik ko'rgan holda, jamoamizni qo'llab-quvvatlashlariga chorlaymiz!
“Buxoro”-“Andijon” uchrashuvidagi (5:2) muxlislarning eng sara fotosuratlarini tomosha qiling va o'zingizni toping!
Bosh sahifaga
1966