Ixtiyor Karimov: "Lokomotiv" kuchli bo'lmaganida oliy ligada emas quyiroq ligada o'ynardi
/ Kiritdi: BestMaster O'qilgan: 993
Bugun G'uzorda milliy chempionatimizning 6-tur doirasidan o'rin olgan uchrashuvlardan biri, "SHo'rtan" hamda "Lokomotiv" jamoalari o'rtasida bo'lib o'tadi.
Mezbonlar uchun oson bo'lmaydigan ushbu uchrashuv oldidan, yaqin kunlarda jamoamizning vaqtincha bosh murabbiyi sifatida tayinlangan, "SHo'rtan"ning fidoiy murabbiylaridan biri - Ixtiyor Tog'aevichning turnir jadvalining etakchisi bilan kechadigan baxs to'g'risidagi fikrlari bilan qiziqdik.
- Oliy liganing har bir jamoasi o'z hurmatiga ega, kuchli jamoa deb hisoblayman. Agar ular kuchli bo'lmaganda oliy ligada emas, balki quyiroq ligada kuch sinashardi. Aynan bugungi raqibimiz haqida to'xtaladigan bo'lsam, hozirgi kunda"Lokomotiv" jamoasi nafaqat milliy balki Osiyo chempionlar ligasida ham etakchilik qilmoqda. Raqibizning yaqin orada o'tkazgan o'yinlarini kuzatib, tahlil qilib chiqdik. "Lokomotiv" tarkibining har bir chizig'ida o'z ijrochilari bor. SHu sababli, o'yin juda qiyin bo'ladi bo'ladi deb o'ylayman. Ammo, raqibimiz bir necha kun oldin OCHLda mehmonda o'ynaganini va safarda anchagina kuch yo'qotgani aniq. Ushbu imkoniyatdan foydalanib hamda xato va kamchiliklarimiz ustida ishlab, har bir sodir etiladigan qulay vaziyatlardan unumli foydalanishga harakat qilamiz. Bir so'z bilan shuni aytmoqchimanki, biz futbolchilarimizga ishonamiz, - deydi Ixtiyor Karimov.
"SHo'rtan" PFK matbuot xizmati
Bosh sahifaga
160