Igor SHkvirin: "Nikitani maydonga tushirib tavakkal qildim"

"Bu mavsumda deyarli har bir o'yinda ikki taymda ikki xil o'ynayapmiz. Bazida birinchi taymda yomon o'ynaymiz bazida ikkinchisida. Bugun birinchi bo'limdagi o'yinimiz va natijadan qoniqdim. Tanaffusda yigitlar berilgan ko'rsatmalarni bajarishmadi. Maydon markazida ko'p xato qildik. Pishurni yaxshilab qo'riqlash kerakligini aytgandim. Taqvim chiqqanida biz uchun yaxshi kelgan deb o'ylagandik, hozir esa aksincha ekanini ko'rayapmiz. Biz pastki o'rinlarga tushib ketmaslik uchun har bir o'yinda ochko jamg'arishimiz kerak. Xonimqulov hozir ruhiy o'raga tushib qolgan. "Bunyodkor"ga qarshi o'yinda gollar o'tkazib yubordi. Nikitani maydonga tushirib tavakkal qildim. SHukurki barchasi yaxshi bo'ldi. O'tgan besh o'yinda Stanoevich o'ynagandi, bugun Saidkomil Akbarovni tushirdim. U ishonchni oqladi deb o'ylayman. Darko safga qaytganidan keyin kim kuchli bo'lsa o'sha maydonga tushadi", - deydi SHkvirin.