G'ulom O'runov: “Birdamlik g'alabamiz omili bo'ldi”
/ Kiritdi: BestMaster O'qilgan: 933
Oliy liganing 6-turidan o'rin olgan “Andijon” – “So'g'diyona” (3:0) uchrashuvidan so'ng mezbonlarning tayanch yarim himoyachisi bo'lmish G'ulom O'runov bahs haqida o'z fikrlarini bildirib o'tdi.
- O'tgan turda “Buxoro”dan uchralgan alamli mag'lubiyatni tezroq unutib, o'z maydonimizda kechadigan qiyin o'yinga munosib ravishda tayyorgarlikka ko'rgandik. Muxlislarimizni faqat g'alaba bilan xursand qilishimiz shart edi. Aks xolda bizga keyinchalik yana qiyin bo'lardi. Buni uchrashuv avvalida murabbiylar ham takidlab o'tgandi. SHu bois barchamiz birdam bo'lib, xarakat qildik.
- Garchi yirik hisobda g'alaba qozongan bo'lsakda, uchrashuv jamoamiz uchun qiyin kechdi. “So'g'diyona” ham yaxshi kurashchan, jamoa sifatida shakllangani ko'rinib turibdi.
- Yuqorida takidlab o'tganimdek, birdamlik g'alabamiz omili bo'ldi. Jamoamiz tarkibi bu yil yangitdan tashkil topdi. Asta-sekin o'z o'yinimizni topib bormoqdamiz. SHu o'rinda bizni safar va uy uchrashuvlarimizda ajoyib tarzda qo'llab-quvvatlab kelayotgan ashaddiy ishqibozlarimizga minnatdorchilik bildiramiz. Ularning olqishi ham biz uchun juda muhim.
“Andijon” matbuot xizmati.
Bosh sahifaga
490