Sanjar SHoahmedov : “Oldida bizni muhim uchrashuv kutmoqda”
/ Kiritdi: BestMaster O'qilgan: 868
Oliy liganing 6-turida “Lokomotiv” jamoasi G'uzorning “SHo'rtan” jamoasi mehmoni bo'lib 2:0 hisobida g'alaba qozondi.
Ushbu o'yindan so'ng “Lokomotiv” jamoasi yarim himoyachisi Sanjar SHoahmedov bilan suhbatlashdik.
- Sanjar, avvalambor g'alaba bilan tabriklaymiz. O'yin haqidagi fikrlariz bilan bo'lishsangiz.
- Ajoyib o'yin bo'ldi. Jamoamizda tajribali o'yinchilar borligi bu omadimiz. Birinchi taymda Temur Kapadze tomonidan urilgan gol albatta bizni ruhlantirdi. Temur Kapadzening jarohati va Islom Tuxtaxujaevning maydonda yuqligi albatta uyinga tasir qildi. Ularning tezroq sog'ayib safimizga qaytishini tilab qolaman. “SHo'rtan” jamoasini juda hurmat qilamiz va keyingi o'yinlarda omad tilaymiz. Ushbu o'yinda biz 2:0 hisobda g'alaba qozonganimizdan xursandman.
- Oldinda “Lokomotiv” jamoasini muhim uchrashuv kutmoqda. Dubayning "Al Nasr" jamoasini qabul qilasizlar. Ushbu o'yinga “Lokomotiv” jamoasi qay darajada tayyor?
- Haqiqatdan ham bizni muhim bahs kutmoqda. Muhimligi shundaki biz oldimizga qo'ygan maqsadimizga erishishimiz uchun yarim qadam qoldi desam adashmagan bo'laman. SHu paytgacha o'yinni qo'ldan bermadik. Juda kuchli tayyorgarlik ko'rayapmiz. Mashg'ulotlarda astoydil ishlayapmiz. Jamoamizdagi barcha uyinchilar ruhan va jismonan tayyor. Maqsad bitta bu - g'alaba. Muxlislarni xursand qilamiz degan umiddaman, - deydi SHoahmedov.
Dildora Xolboeva suhbatlashdi
Bosh sahifaga
1849