Samvel Babayan Oliy Liga jamoalari murabbiylari bilan uchrashdi

Jahon chempionati saralash bosqichining so'nggi raundi oldidan hamkasblari bilan davra suhbatini tashkil qilgan Samvel Babayan oliy liga klublaridagi murabbiylarning yordamisiz milliy terma jamoa muvaffaqiyatga erisha olmasligini takidladi.

Ikkinchi saralash bosqichi oldidan uchrashgan edik. O'shanda terma jamoalar shtabi murabbiylarning fikrini eshitgan edi. Terma jamoa atrofida birlashishimiz natijasida bizning jamoa guruhda birinchi o'rinni egalladi. Bu muvaffaqiyatda murabbiylarning, ishqibozlarning va OAVning o'rni beqiyosdir, - deydi Samvel Babayan.

Samvel Babayan oliy liga klublari murabbiylariga milliy terma jamoaning keyingi rejalari haqida gapirib berar ekan, nomzod futbolchilarni qo'llab-quvvatlashda murabbiylardan yordam so'radi.

Milliy terma jamoa bosh murabbiyi uchrashuvda terma jamoaga nomzod bo'lgan futbolchilar haqida murabbiylarning fikrini ham tingladi.

Takidlash kerakki, jahon chempionati-2018 saralashining uchinchi bosqichiga yo'l olgan O'zbekiston milliy terma jamoasi ushbu bosqich uchrashuvlariga tayyorgarlik ko'rish maqsadida 1 - 7 iyun kunlari Avstriyada o'quv-mashg'ulot yig'inlarini o'tkazadi. Ushbu yig'in doirasida Kanada terma jamoasiga qarshi nazorat uchrashuvi o'tkazish borasida kelishuvga erishilgan. O'yin 7 iyun kuni bo'lib o'tadi.

Maulmot uchun, O'zbekiston milliy terma jamoasi Rossiyada bo'ladigan jahon chempionati saralashining yakuniy bosqichi o'yinlarini shu yilning 1 sentyabr kuni Toshkentda Suriyaga qarshi o'yin bilan boshlaydi.