Hamza Karimov Germaniyada operaciya qilindi

Kuni kecha Hamza Karimov Germaniyada muvaffaqiyatli operaciya qilindi. Deyarli bir yildan buyon jarohatini davolagan futbolchi Germaniyada oyog'ini operaciya qildirdi. Ayni paytda futbolchi erkin agent sanaladi. O'tgan mavsumlarda "Nasaf" sharafini himoya qilgan Hamza Karimov bilan qarshiliklar yangi mavsum oldidan shartnomani uzaytirishni istashmagan. "Nasaf" safida jarohatlangan himoyachini operaciya qilinishiga ham Karimovning sobiq klubi hech qanday ko'mak bermagan.

Hamza Karimovni Germaniyada borib operaciya qilinishiga Navoiyning "Qizilqum" klubi yaqindan yordam berdi. Hamza Karimov ikkinchi davradan boshlab yashil maydonga qaytishi kutilmoqda. Tajribali himoyachi ikkinchi davrada "Qizilqum" safida o'ynashi ko'zda tutilmoqda. Tomonlar kelishuvga erishishgan va Karimov jarohatidan to'liq forig' bo'lganidan so'ng "Qizilqum" libosini kiyadi.

Hamza Karimov hozirda Germaniyada tiklanish jarayonini o'tamoqda.