Valbuena Benzema bilan bog'liq mojaro haqida gapirgan muxlisga tashlandi

"Tuluza"ga qarshi uchrashuv oldidan futbolchi Tuluza aeroportida bir muxlisga duch keldi. Ushbu 38 yoshli Yusuf o'g'liga Matyoni ko'rsatib shunday dedi: "Aynan shu odam tufayli Benzema Evroda o'ynamaydi". Buni eshitgan Valbuena ishqibozning telefonini sindirib tashladi.

"Ortiqcha gap gapirgandirman yoki so'zlari keraksiz paytda aytilgandir, ammo Valbuena o'zini boshqara olmadi. U o'zini bunday tutmasligi kerak. U menga tashlanmoqchi bo'lgan itga o'xshardi, men esa unga nisbatan kuchsizroqman. Bundan shokka tushdim va hozirgacha uxlay olmayapman, shifokor menga antidepressantlar yozib berdi" - deydi Yusuf.