Grigoriy Kolosovskiy: "Penalti o'yinni burilishi desak noto'g'ri bo'lmaydi"

"O'yin tomoshabop bo'ldi. Birinchi bo'limda ustunlik biz tomonda bo'ldi, ikkinchisida esa aksincha. Himoyadagi xatolar tufayli gol o'tkazib yubordik. "Bunyodkor"ni g'alaba bilan tabriklayman. Biz esa o'z xatolarimiz ustida ishlaymiz. 3 kundan so'ng bizni juda muhim o'yin kutib turibdi. Ushbu bahs faqat biz uchun emas, balki butun O'zbekiston juda qimmatlidir.

To'pga 70% yoki 80% egalik qilish mumkin, ammo gol bo'lmasa barchasi befoyda. To'pga egalik qildik, ammo to'liq imkoniyat emas, yarim imkoniyatlar yarata oldik.

Nikita so'nggi uchrashuvlarda ko'p darvozasini tashlab chiqib ketyapti? Faqat uni ayblash niyatimiz yo'q. 2 golda u shunga majbur edi. O'yinni tahlil qilib, bunga o'xshash vaziyatlar takrorlanmasligiga umid qilamiz. Ribkin istiqbolli, kuchli darvozabon.

Akobir To'raev va Berdiev? Ular maydonga tushmayotgagnining sababi murabbiylar shtabi qarori. Anvar Soliev yuqori saviyali futbolchi ekanligiga hech kim shubha qilmasa kerak.

Azim Ahmedovga keladigan bo'lsak, Kamoliddin Tojievning sariq kartochkalari soni ko'payib ketgan edi, shu sababli uni himoyaga qo'ydik.

Penalti o'yinni burilishi desak noto'g'ri bo'lmaydi. Goldan so'ng "Bunyodkor" futbolchilarida o'ziga bo'lgan ishonch ortib ketdi. Boltaboev qo'li bilan o'ynamoqchi emasdi, ammo to'p uning qo'lini topdi deyish to'g'ri bo'lsa kerak.

Bugungi mag'lubiyat muhim o'yin oldidan jamoaga tasir qiladimi? 3 may kunigacha o'zimizga kelib olishimiz va o'sha bahsda o'zimizning kuchli o'yinimizni namoyish etishimiz kerak. Yaxshi tayyorgarlik ko'rib, bu bahsda finaldagidek harakat qilamiz

Muxlislar va jurnalistlarga minnatdorchilik bildiraman" - deydi Kolosovskiy.