"Mashal": Yoshlarimiz qaerda o'ynadi? Oldingdan oqqan suvni qadri yo'q-mi?

2016-04-30 10:20:01 / Kiritdi: BestMaster O'qilgan: 2155

Muhtaram yurtboshimiz boshchiligida yurtimizning barcha mintaqalarida futbol maydonlari bunyod etilmoqda.

Muhtaram yurtboshimiz boshchiligida yurtimizning barcha mintaqalarida futbol maydonlari bunyod etilmoqda. Hozirgi kunga kelib Oliy ligada harakat qilayotgan barcha, 16 ta klub maydon bo'yicha umuman muammoga duch kelmaydi. Bunday ijobiy natijaga erishish hammani xursand etadi. Bir necha yil oldin stadion muammosiga dolzarb muammo sifatida qarab kelinar edi. Hozirda bironta Oliy liga jamoasida bunday muammo yo'q. Endi navbat birinchi liga va yoshlar ligasi stadionlariga ham etibor qaratish vaqti kelganga o'xshaydi.

Bugun "Mashal" yoshlari Jizzaxda "So'g'diyona" yoshlariga qarshi maydonga chiqdi. 1:1 hisobida durang qayd etilgan bahs u qadar chiroyli o'yin bo'ldi deya olmaymiz. Bunga maydon ochiqchasiga xalaqit qildi.

Agar esingizda bo'lsa, o'tgan yili yoshlarimizni G'allaorolda qabul qilgan Jizzax klubi haqida maxsus fotogalereya taqdim etgan va undagi achinarli holatlarni sanab o'tgan edik. Ushbu xabardan so'ng jamoa bosh murabbiyi Davron Fayziev bizdan ochiqchasiga norozi bo'lgan edi. SHu o'rinda aytib o'tish kerakki, Davron Fayziev maydon holati uchun javobgar inson emas ! Fayziev jamoaning natijasiga javob beradi. Agar Fayziev jamoaning maydon holatini qanchalik yashirishga intilsa bu "So'g'diyona" uchun samarali bo'lishiga ishonish qiyin.

Birinchi navbatda yoshlar ligasi klubning qarorgohidagi maydonda bo'lib o'tganini takidlash joiz. Bu stadion yoshlar ligasi uchun ro'yhatdan o'tgan bo'lsa biz bundan faqatgina ajablanamiz.

Tabiat qo'ynida joylashgan stadionda havo haqiqatda juda ham toza. Tabiat ham ajoyib manzara kasb etgan. Afsuski shunga munosib maydon va kiyinish xonasi mavjud emas.
Kiyinish xonasiga kirar ekanmiz men birinchi marta faoliyatimda bunday kiyinish xonasini ko'rganimni takidlashim kerak.

Ko'rpa-tushakdan iborat kiyinish xonasining bitta xonasida xojatxona va dush mavjud bo'lib dush albatta allaqachon ishdan chiqqan. Xojatxona esa ...

Menimcha stadion masullari tabiiy tabiat qo'ynini maqul ko'rgan. Dush vazifasini esa qarorgoh yonidagi daryo o'tasa kerak. Men shunday tushundim. Xojatxona esa keng dala.

Bularni yozishdan ko'ra oddiygina suratlar orqali ko'rish kifoya qiladi.

Eng qizig'i maydon egalari uchun umuman kiyinish xonasi yo'q. Ular o'yin kuni asosiy tarkib turargohidan foydalanib turadi. O'yin oldi tegishli ko'rsatmalar esa keng tabiat qo'ynida bo'ladi.

Endi esa stadion holati borasida jiddiy etiroz bildirish lozim. "Mashal" Muborak jamoasi va cho'l zonasida joylashgan. "So'g'diyona" esa keng tabiat, so'lim go'sha va daryo yonida stadionga ega. Har qanday holatda ham etibor bo'lmas ekan, demak hammasi befoyda.

Men aynan shunday tushundim. Nega endi "Mashal" yo'q imkoniyatdan foydalanadiyu, "So'g'diyona" bor imkoniyatdan ham oqilona foydalana olmaydi. Bunga albatta masullar javob berishi kerak.

Bunday qattiq va qing'ir-qiyshiq maydonda yoshlar ligasi bahsini o'tkazar ekanmiz demak kelajak futboli shunday maydonga moslashishi kerakmi?

Umuman olganda ko'plab jamoalar Jizzaxga kelsa doimo maydon muammosiga duch keladi. Bunday o'ydim-churuq maydonda hech bir pas o'z egasiga etib bormaydi. Bu esa futbol sifatini umuman yo'qqa chiqardi. Balki, "So'g'diyona" bunday maydonga moslashgandir lekin qolgan jamoalar hali bunga tayyor emas. Oddiygina sug'orish orqali maydonni bo'shaytirish imkoniyati borligini barcha bilsa kerak. Nega unda jizzaxliklar bunday tarasha maydonda raqibini qabul qilgani esa tushunarsiz.

Yonida katta daryo bo'lmasa ham tushunsa bo'ladi. SHunga aytishsa kerakda oldingdan oqqan suvni qadri yo'q deb.

Teglar: mashal, yoshlarimiz, qaerda, oynadi?, oldingdan, oqqan, suvni, qadri, yoq-mi?,
← Oldinga Orqaga →