Ixtiyor Karimov: "Natija uchun o'ynaymiz"

- “Neftchi” jamoasi mamlakatimizning nomdor va kuchli jamoalaridan biri ekanligi o'zbek futboliga qiziqayotgan barchaga kundek ayon. “SHo'rtan”ning Farg'onada kechgan barcha uchrashuvlari keskin va chiroyli kurashlarga boy bo'lgan. Bunisi ham mustasno emas deb o'ylayman. O'yin murakkab bo'lishini bilamiz. O'z navbatida, biz ham muxlislarimizni xursand qilishga harakat qilib, natija ko'rsatish uchun astoyidil o'ynaymiz.

-  Kecha o'yin oldi mashqlarimizni yangi qurib bitkazilgan “Istiqlol” stadionida o'tkazdik. Stadion maydoni, loyihasi, dizayni va unda yaratilan barcha shart-sharoitlar havas qilsa arzigulik darajada. Barchasi jahon futboli talabiga javob beradigan darajada bajarilgan. Bu erda bajonidil, lazzatlanib o'ynash kerak holos.

-  Tarkibimizda yo'qotishlar yo'q, jarohatlar ham yo'q. Barcha futbolchilarimiz o'yinga tayyor. Bugungi uchrashuvda, ikkala jamoa ham muxlisbob o'yin ko'rsatishiga ishonchim komil – deydi chempionatimizning 7-turidan o'rin olgan “Neftchi” - “SHo'rtan” uchrashuvi oldidan “oq bo'rilar” bosh murabbiyi – Ixtiyor Tog'aevich Karimov  o'yinoldi fikrlari va rejalari bilan bo'lishib.

"SHo'rtan" matbuot xizmati