Sarvarjon Xolmatov: Maqsadimiz - muxlislarga faqat g'alaba tuhfa etish

Muhim bahs oldidan navoiyliklarning iqtidorli yarim himoyachisi Sarvarjon Xolmatovning o'yinoldi fikrlari bilan qiziqdik.

-Ko'z tegmasin, bu yilgi mavsumni ijobiy natijalar bilan boshladik, - deydi “Qizilqum” jamoasi vakili. - Bugun bizni yana bir muhim uchrashuv kutib turibdi. Buxoro tajribali futbolchilarga ega. Ammo bu bizni aslo xavotirga solayotgani yo'q. Navoiylik minglab muxlislar jamoamizdan faqat g'alaba kutishmoqda. Ko'cha-ko'yda muxlislar bilan uchrashib qolsak, ularning jamoamizdan umidlari katta ekanliklarini eshityapmiz.
Bugun ham Navoiydagi Yoshlar sport majmuasi ishqibozlar bilan to'lib-toshishini taxmin qilish qiyin emas. Biz uchun esa har bir uchrashuvda g'alaba qozonish va muhim ochkolarni qo'lga kiritish juda katta ahamiyatga ega. Asosiysi, jamoadoshlarimning kayfiyatlari alo. Maqsadimiz esa muxlislarga navbatdagi g'alabani tuhfa etishdir.

Qizilqum PFK Matbuot xizmati.