Xenk Ten Kate: "Ertangi o'yin "Paxtakor" uchun muhimroq"

Murabbiyga futbolchi Muhammad Jamol hamrohlik qildi.

"O'ylashimcha ertangi o'yin "Paxtakor" uchun muhim. Sababi bizda keyingi bosqichga chiqish imkoniyati yo'q. Raqibda esa g'alaba qozonishga urinadi. SHu "Paxtakor"ga bosim bo'lishi mumkin. Biz bu erga chiroyli o'yin ko'rsatib g'alaba qozonish uchun kelganmiz", - deydi Xenk Ten Kate.

"Garchi biz musobaqadan chiqib ketgan bo'lsak ham baribir g'alaba qozonishni istaymiz. Klub nomi va shani uchun harakat qilamiz. Yaxshi o'yin ko'rsatib g'alaba qozonishga urinamiz", - deydi Muhammad Jamol.

-"Paxtakor"ning ichki chempionatdagi o'yinlarini o'rgandingizmi?

- Yo'q, biz raqibning OCHLdagi o'yinlarini ko'rib chiqdik.

- Jamoa to'purari Ali Mabxut ertaga diskvalifikaciya tufayli o'ynay olmaydi. Yana yo'qotishlar bormi?

- Abdulla Musa va asosiy posbonimiz Ali Xasif ham ertaga maydonga tushmaydi. OCHLda barcha o'yinlarda bizda yo'qotishlar bo'lgandi. SHu bois biz yoshlarni sinovdan o'tkazib oldik.

- "Al Jazira"ning inqiroziga nima sabab bo'ldi?

- Yanvar oyida klubga kelganimda jamoa BAA chempionatida ham quyi o'rinlarda borayotgandi. Asosiy urg'uni imkon qadar yuqori o'rinlarga chiqishni qaratdik. OCHLda aytganimdek har bir bahsda yo'qotishlar bo'ldi. Mana shu yoshlar keyingi safar OCHLda o'zlarini ko'rsata olishadi.

- Guruhdagi barcha klubga qarshi o'ynab bo'ldinglar. Qaysi jamoa shaxsan siz uchun eng kuchli?

- "Traktorsozi"! Sababi ularning yarim himoyachilari juda kuchli. SHu bois aynan shu klub guruhda peshqadamlik qilmoqda.

- Qaysi jamoaga qarshi o'yin qiyin bo'ldi?

Muhammad Jamol: - "Al Hilol" raqib yarim himoyasida kuchli o'yinchilar jamlangan. To'pni nazorat qilish va hujum qilishda kuchli harakat qilishdi.