SHodi Nomozov: "SHo'rtan" Abramov bilan muzokara o'tkazgani rost"

"SHo'rtan" klubi bosh murabbiyi Zoir To'raqulov o'z xohishiga ko'ra klub bilan tuzgan shartnomasini bekor qilishni so'rab, ariza bilan murojaat qildi. Men To'raqulovni juda ham hurmat qilaman. Unga klubimiz akademiyasida rahbarlik qilishni taklif qildim. Hozircha To'raqulov biroz dam olish uchun tanaffusga chiqishini bildirdi.

To'g'ri biz Vadim Abramov bilan aloqaga chiqqandik, muzokaralar olib borgandik. Lekin birinchi davraning oxiriga qadar yangi murabbiy xizmatidan foydalana olmaymiz. Birinchi navbatdagi ichki va tashqi tartib intizomni yaxshilashga odatlanganman. Sababi tartib, intizom bor joyda muvaffaqiyat qozonish ham oson kechadi, - deydi SHodi Nomozov "Futbol Ekspress" gazetasiga bergan intervyusi chog'ida.