Muxtor Qurbonov: “Goldan keyin o'ynimiz chiqmadi”

-Bugungi o'yinga boshqacha tayyorgarlik ko'rgandik. Afsuski, jamoalar o'rtasidagi oldinga qo'yilgan maqsad bo'yicha farq borligi ko'rinib qoldi. Gol urgan bo'lsak-da, keyinchalik futbolchilarni tanimay qoldim. O'yinni tashlab qo'yishdi.
 
 -Ikkinchi davrada o'yinlaringiz kuchaygandek. Qanday erishdingiz?
 
-Birinchi davradagi mag'lubiyatlar sababini o'rganib chiqdik va malum bo'ldiki, jismoniy tayyorgarlik susayganligini angladik. Taktika bo'yicha ham ko'proq ishladik va o'sish paydo bo'ldi. Birinchi davradagi xatolar bo'lmaganda 5-6 o'rinlar uchun ham kurashib ko'rardik.
 
-Birinchi davrada “SHo'rtan” jiddiy qarshilik ko'rsatgandi, bugun aksincha?
 
-Bugun jamoamizni tanimadim. “Nasaf”dan ham kuchli o'yin kutgandim. O'yin tempi ham pas bo'ldi. Biz gol urganimizdan keyin “kasallik”mi bilmadim, futbolchilar o'yinni tashlab qo'yadi. Bu kamchilikni bartaraf etish ustida ishlayapmiz.
 
-G'uzordagi o'yinlarni kechroq boshlashni iloji yo'qmi?
 
-Biz o'zaro kelishgan holda ilgariroq qo'yamiz. Raqib jamoa transporti bo'yicha muammo bo'lmasligi uchun ilgariroq boshlaymiz. O'yinlarni kechroq o'tkazish bo'yicha ham imkoniyatimiz bor.
 
-O'zbekiston kubogi finalida kimlar o'ynaydi? Mutaxassis sifatida fikringizni bildirsangiz
 
-Abramov kubok finali uchun kurashni to'xtatmagan. Ammo, menimcha, finalga “Nasaf” chiqsa kerak. Imkoniyatlar 70/30deb baholagan bo'lardim.