"Neftchi": Asosiy va yoshlar jamoasi birga mashg'ulot o'tkazdi

Murabbiylar shtabi qaroriga ko'ra, 5 may kuni Qirgulidagi qarorgohda bo'lib o'tgan mashg'ulotlarda asosiy va yoshlar tarkibi birgalikda shug'ullanishdi. Bu ham asosiy va yoshlar tarkibi o'rtasidagi uzviy uyg'unlikdan dalolatdir. Umumiy guruhdagi mashg'ulot jarayoniga Aleksey Estafeev, Abdusamad Do'rmonov, Bahrom Haydarov, Diyor Alijonov hamda Rustam Abdullaevlar boshchilik qilishdi. Baxodir SHamsiddinov esa doimgidek darvozabonlar Abdumavlon Abdujalilov hamda O'tkir Yusupov bilan ishladi. Malum sabablarga ko'ra, bosh murabbiy Andrey Fyodorov jarayonni faqat kuzatish bilan  cheklandi. Mashg'ulotning ikkinchi qismida asosiy va yoshlar tarkibi 2 guruhga bo'lingan holda kichik o'yin o'tkazishdi. Yaqinda O'zbekiston yoshlar terma jamoasi yig'inida bo'lgan Abduqodir Ortiqov ham jamoa ixtiyoriga etib keldi.

Eslatib o'tamiz, shanba kuni Yoshlar ligasi doirasida Bahrom Haydarov ustozligidagi “Neftchi” o'rinbosarlari olmaliqlik raqiblariga qarshi o'ynashadi. Ertasiga esa asosiy jamoamiz turni o'tkazadi.