O'rtoqlik uchrashuvi. O'zbekiston U-16 - BAA U-16 - 1:0

Temur Olimxo'jaev boshchiligidagi terma jamoa may oyining ilk haftasida o'zining navbatdagi o'quv-mashg'ulot yig'iniga kirishdi. Dubay shahrida bo'ladigan ushbu yig'in doirasida o'zbekistonlik o'smirlar Birlashgan Arab Amirliklari o'smirlar terma jamoasiga qarshi ikkita nazorat uchrashuvi o'tkazishi rejalashtirilgan.

O'rtoqlik uchrashuvlarining dastlabkisi kecha bo'lib o'tdi. Unda vakillarimiz Abdulhay Ismoilov tomonidan urilgan gol evaziga g'alaba qozonishdi, deb xabar bermoqda O'FF rasmiy tvitteri. Ikkinchi o'yin 7 mayga belgilangan.

Malumot uchun, 16 yoshgacha bo'lgan futbolchilar o'rtasidagi Osiyo chempionati 2016 yilning 15 sentyabr – 2 oktyabr sanalari davomida, Hindistonda bo'lib o'tadi.