Kamo Gazarov: "Bizni faqat g'alaba qanoatlantiradi"
/ Kiritdi: BestMaster O'qilgan: 1060
“Buxoro” - “Metallurg” uchrashuvi oldidan “Buxoro”jamoasi katta murabbiyi Kamo Gazaro bo'lajak o'yin, shuningdek, jamoalar o'rinbosarlar o'rtasidagi uchrashuv (1-1) to'g'risida o'z fikrlari bilan o'rtoqlashdi.
- Ertangi o'yin juda ham qiyin bo'ladi. “Metallurg” o'yinni boshqara olishi, jamoaviy bir-birini tushuna olishi jihatidan “Paxtakor”, “Nasaf” singari jamoalardan aslo qolishmaydi.
Raqiblarda yaxshi murabbiy, ajoyib ijrochilar bor. Buni ularning turnir jadvalidagi o'rni ham ko'rsatib turibdi. SHu bois biz ushbu o'yinda 90 minut hushyorlikni qo'ldan boy bermasligimiz, raqibning kamdan-kam kuzatiladigan xatolaridan unumli foydalanishimiz talab talab etiladi. Agar yutsak, turnir jadvalida ancha yuqorilaymiz. Yutqazsak ularni 4 ochkoga oldinga o'tkazamiz. SHuning uchun ertaga bizni faqat g'alaba qanoatlantiradi.
O'rinbosarlar uchrashuvi haqida nima deyishim mumkin? O'yin keskin to'qnashuvlar ostida kechdi. Butun o'yinda hujum qilgan bo'lsak-da, birgina qarshi hujumdan gol o'tkazib yubordik. Yaxshi hamki bolalar bundan tushkunlikka tushmay bosimni yanada oshirishdi. Bu esa so'nggi soniyalarda samarasini berib, hisobni tenglashtirdik.
O'rinbosarlar jamoasi hali yosh, tarkib ham yangi, deyarli har bir o'yinda o'zgarmoqda.CHunki bizda iqtidorlar ko'p. Futbol internati, tumanlardan ko'plab yoshlar kelishmoqda. Ularning imkoniyatlarini sinayapmiz. Har biriga turli o'yinlarda imkon beryapmiz.
Nasib qilsa, ikkinchi davrada bolalar yanada bir-birini tushunib o'ynashadi. O'shanda o'rinbosarlar jamoasida ham natijalar ko'zga tashlanadi, - deydi Kamo Gazarov.
"Buxoro" matbuot xizmati
Bosh sahifaga
96