Ahror Umarjonov: “Oq-tepa" bilan o'yinda durang adolatli bo'ldi”

- Bellashuvning birinchi bo'limi mezbonlarning ustunligida o'tdi. Ikkinchi bo'limda esa, biz ko'proq ustunlikka ega bo'ldik. Ko'rdingiz, dastlab oddiygina vaziyatdan gol o'tkazib yubordik. Tanaffusdan keyin vaziyatni o'nglab, yana bir qator imkoniyatlarga ega bo'lgan bo'lsakda, bellashuv oxirida yana o'z darvozamizdan to'p olib chiqdik. “Oq-tepa” yaxshi jamoa, tarkibida mahoratli futbolchilar talaygina. O'ylashimcha, o'yin durangga mos bo'ldi.

Navbatdagi uchrashuvni “Lokomotiv-BFK”ga qarshi o'tkazamiz. Bu bahsda g'alaba qozonish uchun maydonga chiqamiz. Sababi, “Oq-tepa” bilan bo'lgan bellashuvda yo'qotilgan ochkolarning o'rnini to'ldirishimiz kerak. Haqqulabodga g'alaba bilan qaytishimiz lozim, - deydi Umarjonov.