O'zbekiston U-19 o'rtoqlik o'yinida Belarus yoshlar terma jamoasini mag'lub etishdi
/ Kiritdi: BestMaster O'qilgan: 1056
Ayni damda Belarusning Minsk shahrida o'zining navbatdagi yig'inini o'tkazayotgan O'zbekiston U-19 yoshlar terma jamoasi 1998 yil va undan keyin tug'ilgan futbolchilardan iborat Belarus yoshlar terma jamoasiga qarshi o'rtoqlik uchrashuvida maydonga tushdi.
Minsk yaqinidagi Molodcheno shahrida bo'lib o'tgan o'rtoqlik uchrashuvida Jasur Abduraimov bosh murabbiyligidagi O'zbekiston yoshlar terma jamoasi raqibini yirik – 3:0 hisobida mag'lubiyatga uchratdi. Takidlash lozim, mazkur uchrashuvda Belarus terma jamoasi 18 yoshgacha bo'lgan futbolchilardan iborat tarkibni maydonga tushirdi. O'yin boshidan to'liq ustunlikka erishgan O'zbekiston yoshlar terma jamoasi 9-daqiqadayoq Aziz G'anievning uzoq masofadan kiritgan golidan so'ng hisobni ochishdi.
Uchrashuvning ikkinchi bo'limi 49-daqiqasida Sanjar Qodirqulov hamda 89-daqiqasida Saidjamol Davlatjonov tomonidan kiritilgan gollar O'zbekiston yoshlar terma jamoasiga yirik g'alabani taqdim etdi – 3:0.
Mazkur terma jamoalar o'rtasidagi ikkinchi o'rtoqlik uchrashuvi 9 may kuni bo'lib o'tadi.
O'rtoqlik uchrashuvi.
Belarus, Molodcheno.
Belarus U-18 – O'zbekiston U-19 - 0:3.
Gollar: Aziz G'aniev (9), Sanjar Qodirqulov (49), Saidjamol Davlatjonov (89).
Bosh sahifaga
1358