Hamidjon Aktamov: "Nasaf" haqli g'alabaga erishdi"

- Tan olish kerak bugun “Nasaf”  bizdan kuchli o'ynadi va haqli g'alabaga erishdi. Ro'ziqul Berdiev jamoasiga keyingi o'yinlarda ham omad tilayman. Ochig'i, “Nasaf”ga qarshi yigitlar ruhan o'zini qo'lga ololmaydi.  Uchrashuvdagi tezkor gol bizga salbiy tasir qildi. Qolaversa, Alisher Yusupov jarohat olib maydonni tark etdi.

SHunga qaramay shogirdlarim “Nasaf”ga yaxshi qarshilik ko'rsatishdi.  O'yinga yaxshi tayyorlangandik. Faqatgina imkoniyatlarimizdan foydalana olmadik. To'g'ri, bizda jamoaviy o'yin shakllanishiga biroz vaqt kerak. Davralar oralig'ida tarkibimizda o'zgarishlar bo'ladi. Yaxshi ijrochilarni jalb etishga harakat qilamiz. Jismoniy holatimiz yaxshi deb o'ylayman.  Kuni kecha elektron OAVlarda Hamza Karimov bog'lik xabarlar elon qilindi.  SHu vaziyatga oydinlik kiritishni istardim. Biz Hamza bilan o'tgan yili dekabrda muzokara olib borgandik va  kelishuvga erishgandik. U hech qachon “Nasaf”dan noroziman, degan gapni aytgani yo'q. “Nasaf” haqida biz ham, u ham faqat ijobiy fikrdamiz.