Aleksandr Xomyakov: "Bu safar omad bizga kulib boqdi"

"O'yin asabiy tarzda o'tdi. Ko'p narsa o'xshamadi. O'tkazib yuborilgan goldan so'ng tezda gol urganimizdan xursandman. Balki bugungi g'alaba yigitlarga ruhan yordam berar. O'z futbolchilarimga minnatdorchilik bildiraman. Jamoaga g'oliblik ruhiyati etishmayapti. Ikkinchi bo'limda raqib bir markaziy hujumchi bilan qolgani uchun taktikani o'zgartirdik. To'p nazoratini o'z qo'limizga olishga urindik. Hujumlarda ish yurishmasa uzun paslar bilan o'ynash kerak. Himoyaga o'tib olganimiz tufayli raqib gol urib ketdi. Bu safar omad bizga kulib boqdi. Zafar To'raevning maydonga tushgani o'yinimizni biroz kuchaytirdi. Zohir Qo'ziboev anchadan buyon gol ura olmayapti, to'g'ri hujumchining qismati shu. Ko'p gol ursang barcha gapiradi, ko'p vaqt gol ura olmasang ham gapirishadi. Umid qilamizki uning qora seriyasi ortda qoladi", - deydi Xomyakov.

"Mashal" matbuot xizmati