Zinedin Zidan: "Barselona" chempionlikka haqli tarzda erishdi"

- Ronaldu? Krishtianu oyog'idan zarba qabul qilib olgani tufayli uni almashtirishga qaror qildim. Ronaldu bilan Beyl uchrashuv davomida qanotlarini almashtirib o'ynashdi. Biz Beylni ko'proq o'ng qanotda o'ynatamiz. CHunki Garet aynan shu qanotda o'zini erkin qushdek his qiladi. Men jamoamdan ko'rsatgan o'yindan, kurashuvchanligidan va qilgan ishlarimizdan faxrlanaman. Biz har doim oxirigacha kurashamiz. Endi biroz dam olib, hordiq chiqarishimiz kerak. "Barselona" chempionlikni munosib tarzda qo'lga kiritdi. Ular mavsum yakunlariga ko'ra, chempionlikka haqli tarzda erishishdi.
Evropa chempionlar ligasi finalida o'ynash bu bizning omadimiz. Dam olgandan so'ng finalga jiddiy tayyorgarlik ko'ramiz. CHempionatda o'z maqsadimizga erisha olmaganimizdan biroz ranjidik. Ammo endi barcha hayol va o'ylar final haqida. Milanda o'tadigan bahs haqida hozirdanoq bosh qotirishni boshladik. Finalda doimo imkoniyatlar teng bo'lgan.Bu narsa o'zgarmaydi. Biz shunchaki yaqin ikki kun futbol haqida o'ylamaymiz. Keyinchalik finalga tayyorgarlikni boshlaymiz.