Akrom Komilov: “Ahilligimiz kundan-kunga tomir otib bormoqda”

- “Buxoro”ga qarshi bahsning birinchi bo'limida raqib ko'pchilik bo'lib himoyalandi. SHuning uchun ham ularni darvozasiga birinchi taymda gol ura olmadik. Tanaffusdan keyin esa Satoning goli uchrashuvning borishini o'zgartirib yubordi. Ular oldinga chiqishgach, bizda bo'sh xududlar paydo bo'ldi va ketma-ket yana ikkita gol urib, yirik hisobda g'alaba qozondik. Tanaffusda yigitlar bir-birlarini qo'llab-quvvatlab, albatta gol uramiz deb o'zimizni ishontirgandik. “Buxoro”da yaxshi tarkib yig'ilgan. Ular istalgan jamoaga tashvish tug'dira olishadi. O'zimizga keladigan bo'lsam, “Bunyodkor”ning ahilligi kundan-kunga tomir otib bormoqda. Bu esa o'yinimizni kun sayin yaxshilanib borishiga eng asosiy omil bo'lib xizmat qilmoqda. Navbatdagi uchrashuvlarda ham muxlislarimizni xursand qilishga harakat qilamiz, - deydi Akrom Komilov.

"Bunyodkor" matbuot xizmati