Baxtiyor Ashurmatov: Himoyadagi xatolar qimmatga tushdi
/ Kiritdi: BestMaster O'qilgan: 1289
Oliy liga to'qqizinchi tur doirasida o'tkazilgan Qizilqum - Andijon jamoalari (2:1) bahsi yakunlangach, mehmonlar bosh murabbiyi Baxtiyor Ashurmatov jurnalistlarni qiziqtirgan savollarga javob berdi.
-Qizilqum jamoasini bugungi g'alaba bilan tabriklayman, - deya so'z boshladi Baxtiyor Ashurmatov. - Uchrashuvni yomon boshlamagandik. Afsuski, himoyadagi qo'pol xatolar bizga juda qimmatga tushdi. Raqibimizning stantdart vaziyatlarda xavfli o'ynashi xususida yigitlarimizni avvaldan ogohlantirgandim. Aynan navoiyliklar ana shunday vaziyatda hisobni tenglashtirishdi.
CHempionatda jamoamiz asta-sekin o'z o'yinini topib boryapti. Uydagi o'yinlarni hisobga olmaganda safarda hozircha birorta ochkoni qo'lga kirtmadik. Bugun Navoiyga ham faqat g'alaba uchun kelgan edik. SHu bois, raqib maydonida ham ikki hujumchi bilan o'ynashga qaror qildik. Balki himoyaviy futbol namoyish qilganimizda maqsadimizga erisharmidik, deb o'ylayman.
Muxlislar deyarli teng kuchli ikki jamoa uchrashuviga guvoh bo'lishdi. Yaratilgan vaziyatlardan unumli foydalanganimizda uyga hech bo'lmasa bir ochko bilan ham qaytishimiz mumkin edi. O'yin nihoyatda asabiy ruhda kechdi. Qizilqum oxirgi ikki o'yinda mag'lubiyatga uchragan, biz esa mehmonda ochko ololmayotgan edik. Ular g'alabani saqlab qolish, yigitlarimiz esa ijobiy natija uchun kurashish yo'lida hech narsadan tap tortishmadi. Natijada hakam ko'p bora cho'ntagidan sariq kartochkalar chiqarganiga guvoh bo'ldik.
Yana bir haftadan keyin O'zbekiston kubogi nimchorak final bosqichi javob uchrashuvini Andijonda aynan Qizilqumga qarshi o'tkazamiz. Navoiyliklar bilan hozirgacha o'tkazilgan ikki o'yin biz uchun etarli saboq bo'ldi, deb o'ylayman. CHunki muvaffaqiyatsizliklar jamoamiz azolariga ham, andijonlik muxlislarga ham yoqmayapti. Maqsadimiz esa chempionat va mamlakat kubogi uchrashuvlarida chiroyli o'yin namoyish etib, muxlislarni xursand qilishdir, - deydi Ashurmatov.
Qizilqum PFK Matbuot xizmati.
CHempionatda jamoamiz asta-sekin o'z o'yinini topib boryapti. Uydagi o'yinlarni hisobga olmaganda safarda hozircha birorta ochkoni qo'lga kirtmadik. Bugun Navoiyga ham faqat g'alaba uchun kelgan edik. SHu bois, raqib maydonida ham ikki hujumchi bilan o'ynashga qaror qildik. Balki himoyaviy futbol namoyish qilganimizda maqsadimizga erisharmidik, deb o'ylayman.
Muxlislar deyarli teng kuchli ikki jamoa uchrashuviga guvoh bo'lishdi. Yaratilgan vaziyatlardan unumli foydalanganimizda uyga hech bo'lmasa bir ochko bilan ham qaytishimiz mumkin edi. O'yin nihoyatda asabiy ruhda kechdi. Qizilqum oxirgi ikki o'yinda mag'lubiyatga uchragan, biz esa mehmonda ochko ololmayotgan edik. Ular g'alabani saqlab qolish, yigitlarimiz esa ijobiy natija uchun kurashish yo'lida hech narsadan tap tortishmadi. Natijada hakam ko'p bora cho'ntagidan sariq kartochkalar chiqarganiga guvoh bo'ldik.
Yana bir haftadan keyin O'zbekiston kubogi nimchorak final bosqichi javob uchrashuvini Andijonda aynan Qizilqumga qarshi o'tkazamiz. Navoiyliklar bilan hozirgacha o'tkazilgan ikki o'yin biz uchun etarli saboq bo'ldi, deb o'ylayman. CHunki muvaffaqiyatsizliklar jamoamiz azolariga ham, andijonlik muxlislarga ham yoqmayapti. Maqsadimiz esa chempionat va mamlakat kubogi uchrashuvlarida chiroyli o'yin namoyish etib, muxlislarni xursand qilishdir, - deydi Ashurmatov.
Qizilqum PFK Matbuot xizmati.
Bosh sahifaga
257
18 Yanvar 2026, 09:57