Fotogalereya. "Bavariya" chempionlik kechasi hamda muxlislar bilan ananaviy paradni o'tkazdi

Kimmix ilk bor og'irligi 11 kilogram bo'lgan "lagan"ni boshi uzra baland ko'tarishga muvaffaq bo'ldi

"Yuventus" bilan 4 yil ketma-ket "skudetto"ni qo'lga kiritgan Arturo Vidal, nihoyat Bundesliga "lagan"iga ham erishdi...

"Bavariya"dagi ispanlar xayrlashishmoqdami? Gvardiola "Siti"ga ketmoqda, Alonsochi...? Bu surat shunchaki tasodif shekilli...

Robert nafaqat chempionlik uchun xursand, balki eng yaxshi to'purarga berilgan sovringa ega chiqqani uchun ham baxtiyordir...

Doimgidek chempionlik kechasida Karl-Xaync Rummenigge so'zga chiqib, jamoaga, xususan Gvardiolaga 3 yil mobaynida qilgan mehnatlari uchun tashakkur bildirmoqda...

Germaniyada doim "Bavariya" chempion! Ayollar futbolida ham eng cho'qqiga chiqqan "Bavariya" (Ayollar) jamoasi shu kecha asosiy jamoa bilan birgalikda qo'sh-chempionlikni "yuvishdi"...

Xosep Gvardiola manzili tomon iliq so'zlar yangradi va Pep buning uchun barchaga tashakkur bildirmoqda.

Bu "bolakay"ni barcha yaxshi taniydi. Haqiqiy xushchaqchaq yigit nafaqat maydonda jamoaga kayfiyat ulashadi, balki undan tashqarida ham "zajigat" qilishda unga tengi yo'q... Umuman "Bavariya"da "qaynoq" muhitni yaralishida Myullerning hissasi katta.

Nafaqat maydonda, balki kechalarda ham "o'ynash"ni qotiradigan futbolchilar...

Kechada mashhur "One Republic" guruhi "Bavariya"ga atalgan qo'shiqlari va boshqa ajoyib ohanglari bilan fayz taratishdi...

Nima derdi, "no comment"!? Tomas Myuller "One Republic" solictining shlyapasini "uxlatib", raqsni boplamoqda...

SHunday qilib chempionlik tantanalariga bag'ishlangan kecha yakunlandi. Ertasi kuni esa "Bavariya" hamda "Bavariya" (Ayollar) jamoalari ananaviy tarzda shaharning Marienplatc balkonida muxlislar bilan chempionlikni nishonlashdi. Marienplatcda 16 mingdan oshiq ishqibozlar tashrif buyurishdi va futbolchilar ularga jamoa qo'shiqlarini kuylab berishdi. Har bir futbolchi so'zga chiqib, o'z dil-izhorlarini bildirishdi. "Bavariya" klubining rahbariyatidan tortib, futbolchilargacha barcha bir joyda jamlandi. Muxlislar o'z suyuklilari bilan o'zaro suhbatlashishdi.